2014-07-19

Children of Heaven

Өөртөө кино өдрүүд зарлаад, дуртай кинонуудаа болон үзнэ гээд хадгалсан байсан хэдэн киногоо идэвхтэй үзэж байгаа юм. Тэгээд дундаас нь зарим киног онцолмоор санагдлаа.

Эхнийх нь Children of Heaven. 1997 онд Ираны найруулагч Мажид Мажидигийн хийсэн энэ кино гадаад дотоодын олон шагнал авсан бөгөөд 1998 онд Оскарын шагналд Гадаад хэл дээрх шилдэг кино төрөлд нэр дэвшиж байсан, сайн бүтээл. Хүсвэл дэлгэрэнгүйг IMDB -ээс харна бизээ. 

3-р ангийн сурагч Али гутал засвараас дүү Сахарагийнхаа гутлыг засвараас аваад харих замдаа гутлыг нь гээж орхино. Алигийн гэр бүлийн амьдрал ядуу, аав нь цэцэрлэгч хийдэг, ээж нь өвчтэй, Дүү Сахара нь 1-р ангид сурдаг, байрны эзэн түрээсийн мөнгөө нэхэж байнга дарамтлана. Тиймээс Али гуталны тухай аав, ээждээ хэлэхгүй байхыг дүүгээсээ гуйгаад хичээлдээ явахдаа өөрийнхөө гутлыг ээлжилж өмсөхөөр тохирно. Дүү нь ахынхаа томдсон гутлыг өмсч хичээлдээ яваад тармагцаа хар хурдаараа гүйсээр ахдаа гутлыг нь буцааж өгөөд ах нь сургуулдаа явна гэх мэтээр. 

Тэгж байтал тэдний мужийн холын зайн гүйлтийн тэмцээн болох бөгөөд 3-р байрын шагналд хос гутал өгөх тухай зар гарна. Сурлага сайтай, сэргэлэн авхаалжтай, амьдарлынхаа зовлонг сайн ойлгодог ухаалаг хүү Али тэмцээнд оролцож дүүгээ гуталтай болгохоор шийднэ. 
Уралдааны замын турш зөвхөн дүүгээ л бодон хар хурдаар гүйх боловч 1, 2 -р байр биш зөвхөн 3-р байраа хадгалсаар явах боловч яг барианд орох мөчид 1-р байранд орчихдог. :))

Ерөнхийд нь яривал ийм. Би ер нь Оскарын Гадаад хэл дээр шилдэг кино төрөлд нэр дэвшсэн кинонуудыг үзэх их дуртай. Дэлхий даяараа дандаа шахам үздэг Америк киноноос өөр болохоор нь ч тэр юмуу бүү мэд. 

2013-12-30

2013 он

Бас нэгэн он улирч байна.
Олон зүйлийг амжуулав. Энэ жил санаж зориод хичээл зүтгэл гаргасан бүртээ хүрчээ. Цаашдаа улам ч ихийг хийх урам орж, болно бүтнэ гэх итгэл батжих шиг. Ерөөсөө л гайхамшигтай нэгэн жил байлаа.

2013 он чамд баярлалаа.

2013-03-08

Бороо ...

Бороо, анхны бороо орчихлоо. Өчигдөр орой 11 цагийн үед л нэг тийм чийг ханхлаад сайханборооо орох гэж байгаа юм шиг санагдаад твиттертээ тэр дор нь бичсэнсэн. Өнөөдөр орчихлоо. :-))

2013-03-06

Hotel California

3-р сарын 6-ны нарлаг, дулаахан, сэтгэлд нэг л дотно энэ өдрийн мэндийг хүргээд Eagles хамтлагийн алдарт Hotel California хэмээх гайхалтай сайхан дууг зориульяаа.




On a dark desert highway, cool wind in my hair
Warm smell of colitas, rising up through the air
Up ahead in the distance, I saw a shimmering light
My head grew heavy and my sight grew dim
I had to stop for the night
There she stood in the doorway;
I heard the mission bell
And I was thinking to myself,
"This could be Heaven or this could be Hell"
Then she lit up a candle and she showed me the way
There were voices down the corridor,
I thought I heard them say...

Welcome to the Hotel California
Such a lovely place (Such a lovely place)
Such a lovely face
Plenty of room at the Hotel California
Any time of year (Any time of year)
You can find it here

Her mind is Tiffany-twisted, she got the Mercedes bends
She got a lot of pretty, pretty boys she calls friends
How they dance in the courtyard, sweet summer sweat.
Some dance to remember, some dance to forget

So I called up the Captain,
"Please bring me my wine"
He said, "We haven't had that spirit here since nineteen sixty nine"
And still those voices are calling from far away,
Wake you up in the middle of the night
Just to hear them say...

Welcome to the Hotel California
Such a lovely place (Such a lovely place)
Such a lovely face
They livin' it up at the Hotel California
What a nice surprise (what a nice surprise)
Bring your alibis

Mirrors on the ceiling,
The pink champagne on ice
And she said "We are all just prisoners here, of our own device"
And in the master's chambers,
They gathered for the feast
They stab it with their steely knives,
But they just can't kill the beast

Last thing I remember, I was
Running for the door
I had to find the passage back
To the place I was before
"Relax, " said the night man,
"We are programmed to receive.
You can check-out any time you like,
But you can never leave! "

2013-02-11

Нэг нас

Могой жил гарахтай зэрэгцээд хорьж болдоггүй хорин хэдэн нас шувтрах араандаа орлоо. Гуч гараал шааригдаад явчдаг гээд байгаа. Одоо ч дөхлөө.

Нэг жил гэдэг богино хугацаа юм. Яах ийхийн зуургүй нисээд өнгөрчээ. Их олон юм бодож, амжуулах гэж адгаж яарсан жил байв уу даа гэж одоогийн өндөрлөгөөс харахад бодогдох шиг. Юм бүхэн өөрийн цагтай гэдэг. Цаг нь ирэхээр бүтэх бизээ.

Хэзээ ч үл мартагдах, үнэнч дотно найз нөхрийн тухай бас бодуулсан жил байлаа. Хүний амьдралд санаанд ч оромгүй сайн, саар учрал тохиол таарахыг аль гэхэв. Амьдарлын олон нугачаанд төөрч будилж явахад ч, задарч цалгиж явахад ч нэг янзаараа байж, үргэлж сайныг хүсч зөвлөж, чадлынхаа хэрээр тус дэм болж байдаг дотно найз,"андтай" байх сайхан. Тийм сайхан найзтай байдаг миний аз юм даа. Өөрөө ч хүнд нэг тийм л найз нь байхсан гэсэн бодлоо тээсээр, нэг л зангаараа насыг барахсан гэж бодож л явна.

Өнгөрсөн нэг жил ерөнхийд нь хэлэхэд сайхан жил, амьдарлын маань бас нэгэн жаргалтай сайхан нас өнгөрчээ. Жаргал гэдэг угаас үнэлэмжийн асуудал юм гэдэг. Тохиолдсон олон учралаас жаргалыг олж харах, мэдрэх гэдэг үнэлэмжээс л хамаарна гэдэг зөв ч юм даа.

Одоо улам их хариуцлага хүлээх, илүү далайцтай ажиллах цаг ирж байгаа юм шиг санагдана. Дагаад улам гүнзгий бодохыг, ихийг судлахыг, "сэтгэлээ ажиглах"-ыг шаардаж байх шиг.

Ирээдүйгээ урьдчилан харах боломж бидэнд үгүй. Харин ирээдүйгээ урьдчилан засах боломж бид бүгдэд бий гэдэг. Аз завшаан бүхий хүн заяаг олж төрсөн энэ хэдхэн насаа утга учиртай л өнгөрөөх юм шүү.

2013-01-08

#Домбоорол

Мендлеев зүүдэндээ, Архимед усанд орж байгаад, Неютон модны сүүдэрт хэвтэж байгаад санаа, шийдлээ олсон гэдэг. Хэзээ нэгэн цагт надад тийм зүйл тохиолдох боломж гарвал би аяга угааж байх болов уу. Эсвэл цамцаа индүүдэж, бүүр үгүй бол шалаа угааж байж ч мэднэ.

2013-01-03

Ямар нэг юмны жил

Аливаа жилийг "ямар нэг юмны жил" болгон зарладаг уламжлал байдаг. 

Миний хувьд энэ жилийг "Хувийн зохион байгуулалтаа тасралтгүй сайжруулах жил" болгон зарлахаар дөнгөж сая шийдвэрлэсэнээ албан ёсоор мэдэгдэхэд тун таатай байна. 

Хувийн зохион байгуулалт гэдэгт өглөө тогтмол цагт босохоос эхлээд орой унтах хүртэл хийж гүйцэтгэх бүх үйл ажиллагаагаа нэгдсэн төлөвлөлт, бодлогын дагуу гүйцэтгэж тогтмол тайлагнаж байхыг ойлгоно. 

Ингэснээр хэд хэдэн чухал үр дүнд хүрэхээр тооцсон бөгөөд тухайлбал гэр бүлийн дотоодын нийт бүтээгдэхүүн өсч, төсвийн зарлага буурч, өрсөлдөх чадвар сайжирна. 

Энэхүү ажлын хүрээд богино, дунд, урт хугацааны бодлогын баримт бичгүүдийг боловсруулахаар ажлын хэсэг байгуулах бөгөөд, сар улирал бүр дотоод аудит хийж, жилийн эцэст нэгдсэн тайлангаар дүгнэж хэлэлцэх болно.